Ish-futbollisti i njohur i Mançester Junaited, Robi Kin, e ka cilësuar si një fëmijë të përkëdhelur mesfushorin belg të Çelsit, Eden Hazrad.
Kjo, duke qenë se ai deklaroi pas humbjes me PSG-në, se do t’i pëlqente të luante me këtë ekip.
Kin ka thënë se nëse do të ishte shok ekipi me të, do ta rrihte.
“Nuk i kuptoj këta lojtarë, ai zgjati kontratën për pesë vite të tjera vetëm gjatë vitit të kaluar, teksa bëri një sezon spektakolar.
Tani deklaron budallallëqe në prag të një ndeshje aq të rëndësishme..
Po ta kisha shok ekipi do ta kisha goditur mirë pas atyre deklaratave.
Lojtarët veteranë duhet të mundohen ta kontrollojnë sjelljen e tij. Ai është një djalë i talentuar, por sjellja e tij është si ajo e një fëmije të përkëdhelur. Është komplet qesharake”, tha ai.
“Kur futesh në fushë, duhet të luash me nder. Ti luan për shokët e ekipit, për tifozët, për familjen tënde. Duhet të dalësh dhe të japësh paraqitjen që pritet nga ty, dhe mbas ndeshjen bëj çfarë të duash”, vijoi Kin.
