Në konferencën “Standardet e Sigurisë Rrugore në Bashkimin Europian, pikë referimi për Shqipërinë” organizuar nga TAP dhe Avis, Ministri Haxhinasto foli edhe për çështjet e gjobave dhe të sigurisë në rrugë, duke i cilësuar rrugët si aset kombëtar.
Ministri i Transporteve dhe Infrastrukturës, Edmond Haxhinasto, tha se janë ulur me 20% numri i aksidenteve me vdekshmëri. Sipas Haxhinastos ky ka qenë objektivi i qeverisë kur ka ardhur në pushtet.
Haxhinasto: Në janar të 2014 u bë një plan kombëtar i cili vuri objektiv shumë ambicioz të cilin e realizoi që ishte brenda vitit të parë, në 2014 të ulet me 20% numrin e aksidenteve me vdekshmëri dhe aksidenteve të rënda, dhe e realizoi, madje e tejkaloi.
Çështja e gjobës është një zgjedhje që bën çdo individ. Ata që zgjedhin mos ta shkelin rregullin, sigurisht që kjo nuk i prek as xhepin, ata që shkelin rregulla do të kenë pasoja sepse nuk lidhen pasojat vetëm me ta por edhe me jetën e njerëzve. Unë nuk shof më qe të futen me dritë të kuqe, që ka qenë një sport i këndshëm para rritjes së gjobave.
Çështja tjetër e rëndësishme është çështja e përsorimit të rrugës si aset. Rruga është aset kombëtar dhe të gjithe qytetarët presin që shërbimi të jetë më i lartë i mundshëm, por nuk mund të përdoret rruga për interes personal. E kam fjalën këtu për ata që bëjnë ndërhyrje të paautorizuara.
