Ceremonia e inaugurimit më 8 prill në sheshin “Skënderbeu”
Inaugurimi i presidentit të ri të Kosovës, Hashim Thaçi, do të bëhet më 8 prill nga ora 11:00 në sheshin “Skënderbeu” në Prishtinë. Në këtë ceremoni nuk do të marrë pjesë opozita, e cila ende nuk ka përcaktuar qëndrimin e saj për ndonjë protestë të mundshme si në rastin e zgjedhjes së presidentit.
Sikurse zgjedhja e tij për president të vendit që u bë pa praninë e opozitës, edhe inaugurimi i tij do të zhvillohet në të njëjtën mënyrë, por tani nuk dihet nëse opozita do të protestojë apo të rrijë e qetë shkruajnë mediat e Kosovës.
Nga zyra e Hashim Thaçit ka dalë njoftimi se për të premten e dytë të prillit, (08.04.2016) janë ftuar personalitete e burra shteti nga shumë vende. Edhe zyra për Informim e presidentes në largim, Atifete Jahjaga, ka konfirmuar se ceremonia e inaugurimit do të mbahet më 8 prill në sheshin “Skënderbeu”.
