“Do jem garant i respektimit të ligjeve dhe Kushtetutës. Faktor unifikues dhe përfaqësues i të gjithë qytetarëve pa dallim etnie, feje, race, e gjinie”
Hashim Thaçi u betua sot si presidenti I ri I Kosovës. Në ceremoninë e organizuar në Kuvendin e Kosovës ku kanë munguar partitë opozitare. Në fjalën e tij, Thaçi u betua se do të angazhohet me gjithë fuqinë e tij për ruajtjen e pavarësisë, sovranitetit dhe integritetit territorial të Republikës së Kosovës. Presidenti u angazhua se do të sigurojë liritë dhe të drejtat njerëzore e qytetare, respektimin dhe mbrojtjen e Kushtetutës dhe ligjeve, ruajtjen e paqes dhe mirëqenies së të gjithë qytetarëve të Republikës së Kosovës.
“Do jem garant i respektimit të ligjeve dhe Kushtetutës. Faktor unifikues dhe përfaqësues i të gjithë qytetarëve pa dallim etnie, feje, race, e gjinie. Qëllimi është integrimi në BE dhe NATO dhe miqësia e përjetshme me SHBA”, tha Thaçi. Ai u angazhua se do të punojë për ndërtimin e një konsensusi sa më të gjerë politik e qytetar. Ai siguroi se do të punojë në mënyrë aktive për ta bërë Kosovën pjesë të nismave rajonale e ndërkombëtare. I pranishëm në ceremoninë e betimit ishte edhe kryeministri i Shqipërisë Edi Rama.
