Harta e re Gjyqësore, Manja: Të garantojë aksesin në drejtësi

Ministri i Drejtësisë Ulsi Manja është takuar sot me kryetaren e KLGJ, Naureda Llagami dhe anëtarin e këtij këshilli Maksim Qoku.

Në një postim në rrjetet sociale, Manja shprehet se kanë diskutuar për dakordësinë për një propozim të përbashkët të hartës së re Gjyqësore që do të konsultohet më pas edhe me institucionet e tjera të drejtësisë Këshillin e Lartë të Prokurorisë, Prokurorinë e Përgjithshme si dhe Ministrinë e Financave.

Postimi i Ulsi Manjës:

Me Kryetaren dhe Zv/Kryetarin e KLGJ-së, znj. Naureda Llagami dhe z. Maksim Qoku, na ka bërë bashkë diskutimi mbi draftin e Hartës së Re Gjyqësore.

Diskutimet konstruktive mes Ministrisë së Drejtësisë dhe KLGJ-së për të dakordësuar një propozim të përbashkët të Hartës së Re Gjyqësore, e më pas konsultimin me Këshillin e Lartë të Prokurorisë, Prokurorinë e Përgjithshme, Ministrinë e Financave dhe Ekonomisë dhe grupet e interesit në përputhje me kriteret e përcaktuara në ligjin nr. 98/2016 janë të hapura për të adresuar çdo merak që ka të bëjë me:

1. a) garantimin e aksesit në drejtësi, që lidhet me afërsinë e individit në marrjen e shërbimeve gjyqësore;
2. b) uljen e kostove, me qëllim përdorimin me efektshmëri të burimeve publike;

1. c) rritjen e cilësisë dhe përshtatshmërisë së shërbimeve të ofruara.