Kryeministri i Kosovës Ramush Haradinaj ka thënë se mbajtja e Albin Kurtit në burg është e padrejtë.
Haradinaj shtoi se, pavarësisht se nuk jam dakord me atë për shumë tema, po të pyetesha unë Albin Kurti dilte që sot nga burgu.
“Mbajtja e Albin Kurtit në burg për shkak të kundërshtimeve të tij politike është e padrejtë. Është e pakuptimtë mbajtja e Kurtit në burg, nëse do varej nga mua ai lirohet që sot pavarësisht se nuk jam dakord me atë.
Kam bërë apel, por tash s’mund të shkoj të bëhem prokuror dhe gjykatës, edhe nuk mund të hi në vendime të prokurorëve dhe gjykatësve, edhe nuk e kam atë drejt dhe nuk duhet të marrin këtë se po ndërhyj në drejtësi, por mendimi është që sa më shpejt Kosova t’i përmbyll këto përndjekje”, tregoi Haradinaj.
