Kreu i qeverise së Kosoves në ikje, Ramush Haradinaj I ështe përgjigjur kryeministrit Edi Rama i cili ka deklaruar se refuzimi I Kosovës për Mini-Shengenin ishte i pakuptimtë.
Haradinaj shprehet se Kosova nuk ka nevojë për një Mini-Shengen ballkanik, por për atë të Bashkimit Europian, me kryeqytet Brukselin.
“Jemi të interesuar për Shengen, pra për Bashkimin Evropian, Brukselin. Kosova është vend euroatlantik.Kjo është përspektiva jonë. E gjithë kjo bëhet për të hequr taksën. Është një by pass për të hequr taksën. Minishengeni një sukses ka nëse kishte mundur të heqe taksën. Prandaj ka nervozizëm këto kohët e fundit”, tha kryeministri Haradinaj.
Kujtojmë se Rama u shpreh se “Plagët e së shkuarës nuk kurohen me helm e acid, po ilaçe. Dhe ilaçet nuk jemi të ftuar t’i shpikim, por me dialog mund të biem dakort. Nisma nuk ndahet dhe do të vazhdojë me bindjet që i kemi të gjitha forcat për ta çaur deri në fund. Asnjëherë në asnjë rast historia nuk tregon se vetëpërjashtimi, mbyllja dhe izolimi sjellin të ardhmen”.
