Kryeministri Edi Rama ka ndaluar që të merret vendim për rritjen e çmimit të biletës për transportin urban dhe ndërurban, i cili do të nisë të hënën më 15 qershor.
Njoftimi i Ramës: Të hënën 15 qershor rinis shërbimi i transportit urban dhe ndërurban, sipas protokollit të miratuar të sigurisë shëndetësore.
Qeveria do ta mbështesë këtë sektor përmes: – njohjes si shpenzim të zbritshëm të 100% të konsumit të naftës; -zero taksa dhe po ashtu zero tarifa vendore deri në 31 dhjetor 2020.
Brenda 2020 do të kryhet reforma e plotë ligjore/fiskale e sektorit dhe në 1 janar 2021 do të nisë zbatimi i saj me biletën elektronike si hap i parë. Ndalohet kategorikisht rritja e çmimit të biletës për qytetarët.
