Kënga çame pjesë e mozaikut të grupeve që “hapin” sheshin nesër
Shumëllojshmërisë së pemëve dhe pllakave në sheshin “Skënderbej” do t’i shtohet edhe larmishmëria e tingujve folklorikë nga të gjitha trevat shqiptare.
Në listën e këngëtarëve dhe grupeve që do të performojnë nesër në hapjen e sheshit nuk kishin si të mungonin edhe tingujt e bukur çam, si pjesë e qenësishme e mozaikut muzikor shqiptar.
E njohur për “Tumankuqen”, që padyshim është kënga që s’mungon në asnjë dasmë nga veriu në jug, e për vargjet që i kanë qetësuar brengat çame kur historia u tregua e padrejtë, Çamëria do të përfaqësohet nesër me këngën “Tanë Kako Tanë”, Grupi Çam.
Grupe nga Rugova, Tirana, Dropulli, Mirdita, Tepelena, etj, do të jenë në skenë që prej orës 19:30 duke sjellë në Tiranën e madhe pjesë shpirti nga gjithë shqiptaria.
