Ish-ministri i Jashtëm i Shqipërisë, Ditmir Bushati ka deklaruar se procesi për hapjen e negociatave për Shqipërinë dhe Maqedoninë e Veriut mund të zgjasë edhe një dekadë.
Në një postim në rrjetet sociale, Bushati shprehet më tej se ky proçes mund të zgjasë dhe nuk do të ndikojë në procesin e reformës brenda Bashkimit Europian.
“Është hera e tretë në 16 muaj që Bashkimi Evropian po diskuton për fillimin e bisedimeve të pranimit me Shqipërinë dhe Maqedoninë e Veriut.
Një proces i cili ka të ngjarë të marrë një dekadë për të përfunduar dhe nuk do të ndikojë as në procesin e reformës brenda Bashkimit Evropian, as në nevojën për të përmirësuar strategjinë e pranimit me vendet e Ballkanit Perëndimor”, shkruan Bushati.
