“Pagesat e studetëve janë përdorur për rrogat e pedagogëve”
Gara për drejtiminin e Univesiteteve ka nisur me akuza të ashpra. Kandidatja për Rektore në UT, Klodeta Dibra, ka folur në media për një situatë financiare katastrofike në Universitet. Sipas saj është arritur deri aty sa pagesat e studentëve që bëjnë për vitin mësimor të përdoren për dhënien e rrogave të pedagogëve. “Kjo është e papranueshme dhe shkelje e rëndë e rregullave dhe ligjeve në fuqi”, ka deklaruar Dibra. Dibra publikoi projektin e saj për garën për Rektore përballë kandidatit tjetër Mynyr Koni, duke shtuar se e ka kundërshtuar ligjin e ri për arsimin e lartë duke bërë vërejtjet përkatëse e mbështetur edhe nga pedagogë të ndryshëm, duke synuar një Universitet më cilësor, më modern dhe të ruajë nivelin akademik dhe inteletual më të mirin në vend.
Klodeta Dibra dhe Mynyr Koni do të votohen me 20 prill nga afro 800 pedagogë në të gjithë Universitetin Shtetëror të Tiranës.
