Pas 14 orësh bllokimi është rihapur pikat kufitare me Greqinë, pasi bllokoi qindra udhëtarë që prej mbrëmjes së të premtes, të cilët u detyruan të kalojnë natën në automjete.
Mësohet se zgjidhja erdhi pasi Ministri për Europën dhe Punët e Jashtme, Ditmir Bushati komunikoi intensivisht me homologun e tij grek, Nikos Kotzias dhe me ministrin e Brendshëm grek Nikos Toskas mbi zgjidhjen e situatës së krijuar në tre pikat kufitare më Greqinë prej 24 orësh.
Për shkak të problematikës me rënien e sistemit në të gjithë Greqinë, mes ministrit Bushati dhe ministrit Nikos Toskas u ra dakord që të nisë lëvizja duke mundësuar skanimin e pasaportave.
