Një përplasje është regjistruar gjatë punimeve të Kuvendit ditën e sotme.
Deputeti Halit Valteri ka tentuar të konfliktohet fizikisht me deputetin e Partisë Socialiste, Damian Gjiknuri.
Përplasja është regjistruar jashtë sallës plenare, në kohën që ishte duke folur në foltore me tone të ashpra, deputetja Rudina Hajdari.
Humoret e të dyve, për shkak të ndryshimeve të Kodit Zgjedhor janë paraqitur të ndryshme, ndërsa besohet se konflikti ka nisur për ndryshimet dhe se Damian Gjiknuri e ka shkruar Kodin e ri në besëthyerje të premtimeve që opozita parlamentare kishte marrë, por që nuk janë reflektuar në ligj.
Në fillim u duk si bisedë shpjeguese, por më pas janë tensionuar duke u shtyrë me njëri-tjetrin, ndërsa për t’i ndarë kanë ndërhyrë disa deputetë të tjerë.
