Kryetari i Partisë Demokratike Lulzim Basha në një konferencë për shtyp në selinë blu ka bërë me dije vendimet e marra në mbledhjen e Kryesisë. Basha tha se nesër do të thirret mbledhja e jashtëzakonshme e Këshillit Kombëtar, ku do të miratohet një rezolutë si dhe miratimin e vendimit të kryesisë për të shkarkuar Edi Palokën si kryetar.
Kryedemokrati tha gjithashtu se do të shkarkohen edhe 11 kryetarë degësh që nuk mblodhën firma për kuvendin e datës 18. Masa paralajmëroi edhe për vendimet e sotme për ndryshimin e logos dhe vulës së PD.
“I bëjmë të ditur çdo demokrateje që është shqetësuar nga çdo sfaqje anti amerikane e Berishës kjo ishte përpjekja e fundit e ti për të marrë peng PD dhe për ta kthyer në peng të interesave të veta. Asnjë deklaroi mi dalë nga ky tubim s’ka asnjë lidhje me PD dhe institucionet e zgjedhura të PD. Kryesia ka vendosur thirrjen e mbledhjes së jashtëzakonshme të Këshillit Kombetar nesër, ora 15:00 me këtë rend dite: Diskutimi dhe miratimi i një rezolute, miratimin e propozimit të kryesisë për shkarkimin e Palokës dhe të disa anëtarëve që kanë shkelur statutin. Vendosi shkarkimin e disa kryetarëve të degëve. Do vihen para përgjegjësisë ligjore dhe penale të gjithë personat që falsifikuar dhe shpërdoruan simbolet e PD.
Nesër do i njoftoj këshillit dhe vendimet e mia sa i takon disa funksioneve të tjera të shpërdoruara. Demokratët do të mblidhen më 18 dhjetor, do të marrin vendime të rëndësishme për të ardhmen e tyre dhe jo për hallin personal të Sali Berishës
Më 18 dhjetor, PD do të lërë pas pjesët e hidhura të së shkuarës bashkë me mbeturinat e komunizmit dhe korrupsionit drejt ndryshimit që meriton cdo demokrat dhe cdo shqiptar”, deklaroi Basha.
