Gjykata e Apelit vendosi sot prishjen e vendimit për pezullimin nga detyra të drejtorit të Policisë së Shtetit, Haki Çako. Avokati i Haki Çakos, Maks Haxhia lajmëroi vendimin e gjykatës së apelit për heqejne pezullimit të Çakos. Pak ditë më parë , gjyakata e Shkallës së Pare vendosi pezullimin nga detyra të drejtorit të policisë së shtetit Haki Çako, lidhur me skandalin e përgjimeve. Por Apeli e ka parë të arsyueshme ta rrëzojë këtë vendim të shkallës së parë.
Pasi u vendos pezullimi nga gjyqtari Arjan Aliaj për pezullimin e Çakos, Kryeministri Rama dhe ministri i brendshëm Saimir Tahiri, lëshuan një sërë akuzash mjaft të rënda për sistemin gjyqsor por veçanërisht për gjyqtarin Aliaj. Pritet që pas vendimit të Apelit, Rama e Tahiri të korigjojnë qëndrimet e tyre për gjyqtarët, dhe të përqëndrohen në atë pjesën e gjykimeve të tyre se: jo të gjithë janë të impkikuar në korrupsion.
