Në Berat, policia ka arrestuar një 20-vjeçar, i quajtur Emrah Liço, i cili dje tentoi të masakronte me thikë babain e tij.
Nga Seksioni për Krimet, në kuadër të operacionit policor të koduar “Përsëritësi”, u zbardhën dhe u dokumentuan me prova ligjore edhe 5 raste të vjedhjeve të ndodhura më parë.
Ngjarja e rëndë ka ndodhur pas një sherri mes të dyve pasi i ati kishte zbuluar se 20-vjeçari kishte vjedhur disa sende nga banesa për t’i shitur me qëllim sigurimin e parave. Në konflikt e sipër 20-vjeçari ka marrë thikën dhe ka tentuar të godasë babain e tij, por dështoi falë reagimit të të atit.
Ndërkohë vijon puna për dokumentimin e plotë të veprimtarisë kriminale të këtij shtetasi, në fushën e vjedhjes së pronës. Materialet i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.
