Pas rrëzimit të qeverisë së Kosovës, Bashkimi Europian nuk i ka mirëpritur, pasi kjo do të dërgojë vendin në zgjedhje të parakohshme, më 18 qershor.
Komisioneri Johannes Hahn ka reaguar përmes një postimi në Tweeter ku shkruan se Kosova duhet të vijojë punën për çështjet kyçe si sundimi i ligjit, zhvillimin ekonomik, dialogun me Serbinë dhe për liberalizimin e vizave.
“Më vjen keq për mocionin e mosbesimit që u votua në Parlamentin e Kosovës. Liderët politikë dhe institucionet nuk duhet të shkëpusin vëmendjen nga sfidat e mëdha me të cilat Kosova përballet”, ka deklaruar Hahn.
