Parlamenti Evropian diskuton rezolutën për Shqipërinë. Komisioneri për zgjerimin flet edhe për luftën kundër korrupsionit në nivelet e larta dhe ligjin e dekriminalizimit
Implementimi dhe jo vetëm miratimi i Reformës në Drejtësi do të jetë kusht për hapjen e negociatave me BE-në. Parlamentin Evropian diskutoi pak minuta më parë rezolutën e raportuesit Knut Flankenshtain për Shqipërinë.
Komisioneri Johahes Hahn foli për Reformën në Drejtësi, duke theksuar se ajo do të jetë një zhvillim i rëndësishëm për Shqipërinë. “Kjo pa dyshim, është një zhvillim për interesin e qytetarëve. Implementimi i reformës në drejtësi është një arritje për të gjithë vendin dhe është shumë e vlefshme për të qenë subjekt i njërës apo tjetrës palë politike. Pres gjithashtu një dialog konstruktiv nga të dyja palët. Faza e fundit është gjithmonë më e vështira për një proces gjithëpërfshirës. Gjatë vizitës së fundit, theksova faktin se duhet dialog për të çelur negociatat. Reforma në drejtësi përcaktohet në rezolutë”, tha Hahn. Komisioneri për negociatat e Zgjerimit, theksoi se Shqipëria duhet të dëshmojë precedentë në luftën kundër korrupsionit në nivele të larta duke rikujtuar politikën shqiptare të zbatojnë ligjin për dekriminalizimin.
“Shqipëria duhet të luftojë krimin dhe korrupsionin. Shqipëria duhet të dëshmojë se duhet të ketë precedentë pozitiv në lidhje me procedimet ndaj luftës ndaj korrupsionit, veçanërisht në nivelet e larta. Duhen më shumë rezultate për të çmontuar krimin e organizuar. Procesi i ashtuquajtur i dekriminalizimit duhet të avancojë. Edhe nëpunësit civilë dhe ata të zgjedhur të jenë subjekt i këtij ligji. Duhen vënë sanksione kur është e nevojshme”, tha Hahn.
