Crown Agents zbuloi 1 milion euro evazion fiskal
Kontrollet e zhvilluara nga kompania britanike e konsulencës në dogana, i kanë shtuar listës së mallrave kontrabandë edhe një artikulltë ri, të papërmendur më pare, grurin. Sipas një raporti të Crown Agents, vetëm një kompani që importonte nga Rusia kishte kryer një evasion prej 1 milion euro. Duke qenë një nga artikujt më të importuar në vend, dhe kontrabanda e grurit kushton shumë në dogana. Nga kontrollet dokumentare, gjatë krahasimit të importeve dhe eksporteve të grurit të kryera ne një kompani shqiptare e cila importonte kryesisht nga Rusia, Crown Agent kompania e Konsulencës në Dogana, të cilës iu ndërpre kontrata nga qeveria shqiptare për vitin e tretë, konstatoi mospërputhje të madhe të stokut të grurit. “ Duke qenë se gruri ishte importuar për t’u përpunuar dhe për t’u ri-eksportuar, ishte i përjashtuar nga detyrimet doganore. Kontrolli pas zhdoganimit mbi këtë kompani, i kryer bashkërisht prej ekipeve të Crown Agents dhe specialistëve të Drejtorisë së Kontrollit Pas zhdoganimit, identifikoi rreth 20,000 ton grurë të padeklaruar që mungonte në magazinën e kompanisë e që përbënte evazion të dyshuar të detyrimeve doganore në vlerën e 1 milionë euro” bën të ditur, Crown Agents në një raport zyrtar ku ka përmbledhur aktivitet e punës në Shqipëri.
