Ish të burgosurit e burgut famkeq të Qafë-Baritnuk heqin dorë nga greva e tyre që ka nisur prej ditësh, pa arritur më parë një marrëveshje përfaqësie të lartë politike.
Duke parë heshtjen e qeverisë, ata kanë nisur sot revoltën e parë fizike , teksa kanë shkulur një tabelë tek “Varrezat e Viktimave të Qafë-Barit. Mësohet se tabela është shkulur nga grevistat dhe nipi i Tom Ndojes (i pushkatuar).
Pas 30 vitesh nga mbyllja e tij, ish-burgu famëkeq i Qaf-Barit ku kanë qenë të mbyllur më shumë se 300 të burgosur politik nga regjimi komunist i kohës është rikthyer në qendër të vemendjes. Gjashtë ish të burgosur politik që kanë vuajtur në këtë kamp pune janë ngujuar në rrënojat e e tij duke zhvilluar një grevë urie për të drejtat që sipas tyre u janë mohuar.
Këta të 6-ish të burgosur politik grevën e urisë e kan nisur para rreth dy javesh në Tiranë por policia e shtetit i nxori me forcë nga godina ku ishin ngujuar. Ata mënjëherë vendosën dhe pa humbur kohë udhëtuan drejt vendit ku para 30 vitesh ishin të kyçur pas hekurave për motive politike në Qaf-Bari dhe aty prej 5 ditësh po e vijojnë grevën e tyre dhe jan të vendosur që ta çojnë deri në fund.
