Greva 24 orëshe e doganierëve të palës greke në Kakavijë, e nisur ditën e sotme ka shkaktuar radhë të gjata në pjesën greke të Kakavijes të automjeteve të transportit të mallrave, ndërsa në pjesën shqiptare nuk ka asnjë makinë në pritje.
Në palën greke presin rreth 40 kamionë mallrash të cilët pritet që të kalojnë kufirin të mërkurën pas ndërprerjes së grevës së punonjësve grekë të doganës.
Pika e kalimit kufitar është e kalueshme për të gjithë këmbësorët të cilët kanë dokumente greke dhe zotërojnë një dokument si punonjës sezonale.
Greva po zhvillohet për shkak se punonjësit e palës greke pasi kërkojnë rritje page, pagesën e orëve shtesë si edhe plotësim të kushteve të punës.
