Mbyllja e sporteleve në doganë sjellë radhë të gjata, puna do të rinis të dielën në orën 11
Për 24 orët e ardhshme pala greke në doganën e Kapshticës do të ndërpresë punën pas përshkallëzimit të grevës nga fermerët grek të cilët kanë bllokuar rrugët. Drejtoria Rajonale e Kufirit dhe Migracionit në Korcë njofton se pala greke në doganën e Kapshticës do të rinis punën ditën e dielë në orën 11. Pezullimi i punës për 24 orë, pritet të sjellë rradhë të gjata të automjeteve. E njëjta situatë ndodhi edhe fundjavën e shkuar ku për shkak të grevës së fermerëve grekë u ndalua lëvizja për disa orë duke krijuar rradhë të gjata në kufi.
“Konkretisht do të ndërpritet puna, duke filluar prej ditës së sotme, në orën 11.00 deri në orën 11.00 të ditës së nesërme, në pikën doganore në Kapshticë”, thuhet në njoftimin e Drejtorisë Rajonale te Kufirit.
