Sot Greqia ka hapur platformën për rimbursimin e klientëve të energjisë elektrike me një shumë deri në 600 euro. Faturat që do rimbursohen janë lëshuar nga data 1 dhjetor 2021 deri më 31 maj 2022.
Rimbursimi do tu jepet familjeve me të ardhura vjetore neto familjare deri në 45,000 euro. Nga sot e tutje, çdo qytetar do të mund të paraqesë aplikimin e tij bazuar në shifrën e fundit të NIPT-it sipas mediave greke.
Platforma online do të qëndrojë e hapur deri në ditën e fundit të qershorit. Pagesa e shumave pritet të bëhet në 15 ditët e para të korrikut.
Kompensimi për Power Pass do të fillojë nga 18 euro dhe do të arrijë në 600 euro, dhe do të zbatohet për ato fatura që janë lëshuar nga 1 dhjetori 2021 deri më 31 maj 2022.
Kompensimi paguhet për 60% të tarifave shtesë, pasi u janë hequr subvencionet e shtetit dhe mundësisht të ofruesve dhe deri në shumën 600 euro.
