Po diskutohet për kalimin e 10 mijë emigrantëve
Greqia e Shqipëria kanë nisur komunikimet e para për të dhënë një zgjidhje për kalimin e emigrantëve sirianë të bllokuar në Greqi. Aktualisht bisedimet janë në fazë të parë dhe sipas mediave ata janë të përqëndruara në gjetjen e nje zgjidhje për kalimin e 10 mijë refugjatëve sirianë. Nisjen e këtyre bisedimeve e ka konfirmuar edhe zv.ministrja e Brendshme, e pranishme në panel, Elona Gjebrea. “Nuk ka marrëveshje me Greqinë për refugjatët, por ka bisedime dhe zgjidhja do të jetë në kuadrin europian”, ka deklaruar zv ministërja Gjebrea. Greqia është vënë në një situatë të vështirë edhe pas vendimit të Maqedonisë për të mbyllur kufinjtë. Në këto kushte Athina po synon të shpërndajë valën e refugjatëve në kufijtë me fqinjët e tjerë. Planifikohet që një pjesë e emigrantëve do zhvendosen në kampe në zonën e Follorinës, Kozanit dhe Janinës, pranë kufirit shtetëror me Shqipërinë.
