Një stilist grek, është gjetur i pajetë brenda shtëpisë së tij, nga shoqja e ngushtë.
Stilisti 40-vjeçar Nassos Katris, nuk i ishte përgjigjur telefonatave të familjes për rreth 24 orë, e për këtë arsye, prindërit ishin të shqetësuar, ndërsa mikesha e tij, Athena Vaticanou, gjithashtu stiliste, shkoi në shtëpinë e të riut, por e gjeti atë të vdekur.
Mediat greke bëjnë me dije se të hënën, ai sapo kishte marrë vaksinën “AstraZeneca”.
“Unë e gjeta atë të vdekur në banesën e tij mbrëmë. Ambulanca e mori trupin e tij. Na thanë se ka shumë të ngjarë që vdekja e tij të kishte lidhje me ndonjë efekt anësor të vaksinës. Nasos bëri vaksinën të hënën në mesditë në orën 16.00 dhe u kthye në shtëpi. Ishte mire. Ai hëngri me një mik dhe pastaj shkoi të flinte. Ajo që mësuam është se ai ka vjellë, ka nxjerrë. Telefoni i tij u gjet në anën tjetër të shtratit. Njeriu që jeton poshtë tij, dëgjoi zëra dhe zhurma rreth orës 6 të pasdites, por nuk i kushtoi vëmendje sepse siç na tha ai nuk donte ta shqetësonte. Mjekët na thanë që pas autopsisë ata do të ishin në gjendje të mësonin më shumë për atë që i shkaktoi vdekjen papritur stilistit”, tha shoqja e tij.
