“Amnesty International” ka kërkuar nga organet greke hetimin e menjëhershëm të një rasti të poshtërimit të 5 fëmijëve refugjatë nga Siria, në rajonin policor të Omonias në Athinë.
Javën e kaluar nje grup policësh kanë gjetur në rrugë 5 fëmijë të moshës 12 deri në 16 vjeç nga Siria, të cilët mbanin në duar armë lodre të blera për një shfaqe teatrale me temë luftën në atëdheun e tyre.
Duke dyshuar se mos i kishin vjedhur armët lodra, policët i kanë marrë fëmijët në rajon, ku i kanë mbajtur për 7 orë vetëm për një verifikim të thjeshtë, u kanë kërkuar të zhvishen dhe ata që kanë refuzuar i kanë goditur.
Prindërit, të cilët pasi kanë mësuar ngjarjen kanë njoftuar avokatët, që kanë hapur një proces gjyqësor.
Sipas kreut të organizmit europian, nëse vërtetohet që poshtërimi është kryer edhe për motive raciste, policët grekë duhet të dënohen për shkelje të të drejtave të njeriut.
