Të paktën 2 ton marijuanë janë sekuestruar pasditen e sotme në detin Jon e ndërsa tre trafikantë që gjendeshin në gomone janë shpallur në kërkim.
Gomonia me marijuanë është pikasur nga policia greke, e teksa drejtuesit e saj e kanë kuptuar që po ndiqeshin janë drejtuar për në ujërat shqiptare. Tre trafikantët kanë hedhur drogën në det dhe më pas janë larguar në drejtim të paditur.
Operacioni i përbashkët mes policisë greke, italiane dhe asaj shqiptare po vazhdon e ndërsa bëhet i ditur se deri më tani janë sekuestruar 110 pako nga policia greke 12 pako nga ajo italiane të cilat mendohet të jenë rreth 2 ton marijuanë.
