Një 57-vjeçar shqiptar është ekzekutuar në periferi të kryeqytetit grek, Athinë. Viktima është identifikuar si Kosta Pojani, nga Berati. Ai u qëllua me një karabinë në kokë dhe gjoks në kohën që po shkonte për në punë, gatë orëve të paradites.
Policia thotë se autori i vrasjes është një shtetas qipriot, i cili u dorëzua pak orë më vonë në një rajon policor të kryeqytetit helen.
Ekzekutori ende nuk ka shpjeguar shkaqet e ekzekutimit të shqiptarit, por burime policore deklaruan se viktima dhe ekzekutori kanë pasur kohët e fundit mosmarrëveshje mes tyre.
Trupi i viktimës u dërgua në morgun e Athinës për ekspertizë mjeko-ligjore.
