Fotografia ku shihen shtatë kadetë, shtetas të Greqisë me rrënjë shqiptare duke bërë simbolin e kombit shqiptar, shqiponjën me dy koka, ngjalli reagime të ashpra të drejtuesve të lartë të shtetit greke.
Ministri i mbrojtjes Panos Kamenos, i cili i përket partisë nacionaliste ekstremiste greke, “Grekët e Pavarur”, deklaroi se duhet të dënohen dhe këta ushtarë, të cilët janë nxitur nga deklaratat e kryeministrit Rama për Çështjes Çame. Por, ministria harroi që kadetët që nuk kanë bërë betimin dhe nuk mund të dënohen.
Më tej Kammenos nxiti ushtarët grekë që në repartet e tyre të ngrenë flamurin e aneksimit të jugut të Shqipërisë ose siç njihet “Autonomia e Veriut të Epirit 1914”. Në disa reparte të ushtrisë shihen ushtarët grekë duke u fotografuar jo me flamurin e Greqisë, atë me Kryq, por flamurin e “Autonomisë së Vorio Epirit-Aneksimi i Jugut të Shqipërisë, 1914”.
Ky flamur jo vetëm provokon rëndë shqiptarët, por shfaq ndjenjat dhe orientimin e ushtrisë së Greqisë, pra në një luftë të re kundër Shqipërisë.
Pyetja është nëse ministri i mbrojtjes Panos Kamenos do reagojë edhe për këto foto, të cilat provokojnë hapur shqiptarët dhe Shqipërinë me luftë?
