Lidhur me vjedhjen në Rinas, ministrja e Infrastrukturës dhe Energjisë, Belinda Balluku, është shprehur shumë e ashpër me kompaninë koncensionare kineze të aeroportit të Rinasit, duke deklaruar se tashmë do të merren masa të forta sepse limitet janë kapërcyer.
Në një deklaratë për shtyp, ajo u shprehur se ata kanë shkelur kontratën dhe të gjitha kritikat dhe kërkesat që iu janë bërë nga qeveria, kanë rënë në vesh të shurdhër.
“E vetmja gjë që di të bëjë koncensionari kinez është hapja e parking-eve”, u shpreh ajo me ironi, duke thënë se masat e sigurisë janë fare të papërfillshme, duke shkaktuar edhe këto ngjarje të rëndë, pikërisht në shkallët e avionit.
