I arrestuar për grabitjet me armë të rreth 7 milionë eurove në rrugën Qafë-Kashar-Rinas, Admir Çerpja, ka dhënë detaje të reja për ngjarjen.
Çerpja ka pranuar faktin se ka marrë pjesë në të dyja ngjarjet në vjedhjen me armë, në datën 3 dhjetor 2015 dhe 9 shkurt 2017.
Gjatë deklarimeve që ka dhënë për prokurorinë, Admir Çerpja ka deklaruar se në këto ngjarje ka qenë edhe shtetasi Dash Kupa”. Sipas prokurorisë, Çerpja ka deklaruar se si rezultat i këtij bashkëpunimi, ai ka përfituar nga vjedhja e parë vlerën monetare prej 70000 paundësh.
Çerpja ka shpjeguar se shumën e përfituar nga grabitja e parë e ndodhur në dhjetor 2015 e ka shpenzuar. Në dëshminë e Çerpjes shpjegohet se vlerën monetare të përfituar nga vjedhja e dytë ai ka deklaruar se ashtu siç e kishte marrë e mbante të fshehur, të vendosur në një tenxhere hermetike dhe të groposur afër banesës së tij në Bathore. Kjo shumë, sipas Policisë, ka qenë rreth 100 mijë dollarë.
