Pas grabitjes në Qafë-Kashar, ministri i Brendshëm, Saimir Tahiri pohoi se raste të tilla si ngjarja e djeshme do parandalohen, ndërsa shtoi se do ketë koordinim mes policisë private dhe Policisë së Shtetit dhe për transferimin e shumave të lekëve.
Gjatë një takim me përfaqësues të bankave, Tahiri theksoi se sot siguria në banka është më e lartë, ministri shtoi se ka ende punë për t’u bërë në këtë drejtim.
“Policia bashkë me bankat do të koordinohet më shumë, madje do të bashkëpunohet dhe me Policinë e Shteti për të bërë transferimit drejt Rinasit. Sot kemi një standard sigurie në drejtim të bankave, por jemi të vetëdijshëm që ka ende punë për tu bërë. Ne do marrim masa që edhe në Republikën e Shqipërisë të marr masa që transporti i vlerave të sigurohet nga policia private. Do marrim masa që mos të përsëritet më raste të tilla. Për ne ka rëndësi që ky proces të ketë sa më pak probleme me sigurinë.”, tha Tahiri.
