Gjykata e Krujës ka nisur sot dhënien e masave për 5 personat e arrestuar në lidhje me grabitjen në aeroportin “Nënë Tereza”.
“Arrest me burg”, është masa e caktuar për Kujtim Picarin, shoqërues i vlerave monetare i një banke të nivelit të dytë. Po presin masin e sigurisë edhe Bledar Blloshi, agjent i kompanisë “ICTS” (patrullë) dhe Vangjel Nikolla, kryetar i Degës Teknike të Aeroportit.
Dy personat e tjerë të arrestuar janë Arben Karafili, drejtor operacional i kompanisë “ICTS” dhe Fadil Jonuzaj, agjent i kompanisë “ICTS” (patrullë).
Mësohet se, gjygjtarja Enkelejda Hoxha, është tërhequr nga caktimi i masës së sigurisë për dy nga të akuzuarit, njëri nga të cilët është Fadil Jonuzi.
Prokuroria e Krujës urdhëroi mbrëmjen e së premtes arrestimin e 5 drejtuesve dhe punonjësve te kompanisë së sigurimit “ICTS” ne Aeroportin e Rinasit, pasi ata dyshohet se kanë shpërdorur detyrën, duke krijuar mundësinë që tre persona të armatosur të realizojnë vjedhjen e parave ne pistën e aeroportit. Gjitashtu u shoqëruan në polici edhe 16 persona të tjerë të skeduar si kontingjent i policisë që jetojnë apo punojnë në zonën përreth.
