Zbulohet shuma e parave që u morën pranë filialit të një banke në Tiranë, ku persona me skafandra në kokë, sulmuan një person dhe grabitën paratë.
Përfaqësuesi i firmës private i sulmuar, deklaroi para uniformave blu se kishte me vete rreth 7 milionë lekë të vjetra me vete, para me të cilat do të bënte pagesa për firmën që përfaqëson.
Ai tha se grabitësit e goditën me leva hekuri në kokë dhe i morrën paratë, duke e lënë të shtrirë përtokë.
Ngjarja ndodhi rreth orës 15:10 të ditës së sotme, në rrugën “Medar Shtylla”, në një parking mjetesh në afërsi të filialit të bankës “International Commercial Bank”.
Grupi hetimor ndodhet në vendngjarje për sqarimin e rrethanave të ngjarjes dhe identifikimin e autorëve.
