Detaje të reja janë zbardhur nga grabitja e ndodhur në orët e para të mëngjesit të sotëm në Gjirokastër, ku disa persona hynë në një banesë, ku ndodheshin vetëm dy të moshuara, dhe morën një sasi parash.
Mësohet se banesa e vjedhur, sipas BE, është në pronësi të shtetasit Vasil Basho, i cili jeton në Greqi, dhe që pritet të vijë në vendin e tij pas ngjarjes. Në momentin e grabitjes, në banesë ndodheshin vetëm vjehrra e Vashos me një plakë tjetër, që e shoqëronte gjithmonë, dhe që të dyja ishin mbi 80 vjeçe.
Ndonëse zyrtarisht nuk ka ende informacion për grabitjen, i zoti i shtëpisë pretendon që autorët i kanë marrë 15 mijë euro. Ngjarja ka ndodhur në fshatin Terihat, Bashkia Dropull.
