Për herë të dytë brenda pak muajsh është grabitur shtëpia e këngëtares Rihanna.
Grabitja në bllokun e 7800 të Hillside Drive në Hollywood ka ndodhur të martën, shkruajnë mediat e huaja. Por fatkeqësisht policia ka mbërritur në shtëpinë e yllit muzikor pasi 3 hajdutët ishin larguar nga shtëpia.
Ende nuk dihet identiteti i hajdutëve apo fakti nëse ata arritën të vidhnin ndonjë gjë në banesë, gjithçka po verifikohet nga kamerat e sigurisë.
Kujtojmë që kjo nuk është hera e parë që shtëpia e këngëtares bëhet shënjestër e grabitësve. Në muajin maj një burrë kaloi 12 orë brenda rezidencës së Rihanës pasi u ngjit mbi mur dhe hyri brenda, duke pritur që këngëtarja të kthehej në shtëpi.
Fatmirësisht në të dyja rastet Rihanna nuk ka qenë e pranishme në vilën e saj luksoze.
