Persona të paidentifikuar ende kanë vjedhur arkën e kishës në Korçë. Policia njofton se ngjarja ka ndodhur mëngjesin e sotëm. Për arsye hetimore, nuk bëhet ende me dije shuma që është vjedhur, ndërsa policia jep detaje se është vjedhur kisha në hyrje të parkut “Rinia”.
Pritet të zbardhen detaje pas këqyrjes së kamerave të sigurisë si dhe për të identifikuar autorin apo autorët.
“Mëngjesin e sotëm, jemi njoftuar se në hyrje të parkut “Rinia”, në Korçë, është vjedhur një sasi lekësh, në ambientet e brendshme të një objekti kulti (kishë). Grupi hetimor po punon për identifikimin dhe kapjen e autorit/ëve, si edhe për zbardhjen e rrethanave të ngjarjes”, njofton policia.
Nuk dihet ende nëse ka patur dëshmitarë të ngjarjes, policia vijon hetimet.
