Një ngjarje e rëndë ka ndodhur në fshatin Memaliaj, ku disa persona ende të paidentifikuar kanë hyrë në banesën e 80-vjeçarit Hiqmet Ramadani, dhe e kanë grabitur.
Grabitësit kanë dhunuar fillimisht të moshuarin të cilit i kanë shkaktuar edhe plagë dhe më pas e kanë lidhur me litar. Grabitësit kanë mundur të grabisin nga banesa 12 milionë lekë.
Ramadani është dërguar fillimisht në spitalin e Memaliajt ku ka marrë mjekim e parë dhe më pas është transportuar në spitalin Rajonal “Omer Nishani”, në Gjirokastër për ndihmë mjekësore më të specializuar.
