Skënderbeu ka bindur në miqsoren e zhvilluar pasditen e sotme në qytetin e Korçës, duke mundur Lushnjën me rezultatin 5-1. Dominim absolut i skuadrës së drejtuar nga trajneri Gvozdenoviç, që zhbllokoi shifrat që në minutën e 16-të me shkodranin Nikaj.
Për golin e dytë mendoi Juri në minutën e 41-të. Mesfushori brazilian shtangu portierin Haremi me një predhë nga distanca, duke ngritur shifrat në 2-0. Pjesa e parë përfundoi me këtë shifra, teksa në fragmentin e dytë të ndeshjes u shënuan edhe 4 gola të tjerë.
Në minutën e 50-të, ishte Moses, që shënoi golin e tretë për korçarët, ndërkohë që Zisi, me një gol fantastik nga goditja e dënimit, provoi të hapte sfidën, por vetëm kaq, pasi edhe në minutat në vazhdim ishte Skënderbeu që vendosi diktatin, duke shënuar edhe 2 herë të tjera me Likën me penallti në minutën e 67-të dhe Muharem në fundin e ndeshjes.
Vlen të theksohet fakti se gjyqtari Kotemelo ndëshkoi me karton të kuq 3 futbollistë të Lushnjës, fillimisht në minutën e 11-të, u ndëshkua Tabaku për ofendim ndaj gjyqtarin, ndërkohë në minutën e 66-të, u ndëshkuan edhe Magani dhe Levendi, po për ofendim ndaj gjyqtarit.
Në momentin e ndëshkimit me karton të kuq, këta futbollistë zëvendësoheshin me lojtarë nga stoli, për të ruajtur balancat për sa i përket numrave të futbollistëve në fushë./PanoramaSport
Skënderbeu ka bindur në miqsoren e zhvilluar pasditen e sotme në qytetin e Korçës, duke mundur Lushnjën me rezultatin 5-1. Dominim absolut i skuadrës së drejtuar nga trajneri Gvozdenoviç, që zhbllokoi shifrat që në minutën e 16-të me shkodranin Nikaj.
Për golin e dytë mendoi Juri në minutën e 41-të. Mesfushori brazilian shtangu portierin Haremi me një predhë nga distanca, duke ngritur shifrat në 2-0. Pjesa e parë përfundoi me këtë shifra, teksa në fragmentin e dytë të ndeshjes u shënuan edhe 4 gola të tjerë.
Në minutën e 50-të, ishte Moses, që shënoi golin e tretë për korçarët, ndërkohë që Zisi, me një gol fantastik nga goditja e dënimit, provoi të hapte sfidën, por vetëm kaq, pasi edhe në minutat në vazhdim ishte Skënderbeu që vendosi diktatin, duke shënuar edhe 2 herë të tjera me Likën me penallti në minutën e 67-të dhe Muharem në fundin e ndeshjes.
Vlen të theksohet fakti se gjyqtari Kotemelo ndëshkoi me karton të kuq 3 futbollistë të Lushnjës, fillimisht në minutën e 11-të, u ndëshkua Tabaku për ofendim ndaj gjyqtarin, ndërkohë në minutën e 66-të, u ndëshkuan edhe Magani dhe Levendi, po për ofendim ndaj gjyqtarit.
Në momentin e ndëshkimit me karton të kuq, këta futbollistë zëvendësoheshin me lojtarë nga stoli, për të ruajtur balancat për sa i përket numrave të futbollistëve në fushë./PanoramaSport
