Dhunohet për herë të dytë makina e analistit të njohur, Fatos Lubonja. Mësohet se ngjarja ka ndodhur gjatë ditëve të fundit të dhjetorit 2019, ku persona ende të paidentifikuar kanë qëlluar me mjete të forta makinën e analistit, e cila ishte parkuar pranë banesës së tij.
Bëhet me dije se vetë analisti Lubonja ka denoncuar ngjarjen në policinë e Shtetit, më 2 janar, ndërsa pret që autoritetet të zbardhin ngjarjen e cila përsëritet për të dytën herë.
Më datë 7 korrik makina e analistit Lubonja u qëllua me gurë. Personi, cili u arrestua nga Policia e Shtetit dhe u dënua nga gjykata me burg, ka shprehur urrejte ndaj Lubonjës për qëndrimet e tij publike.
