Një 27-vjecar është arrestuar nga Policia e Tiranës pasi në bulevardin “Gjergj Fishta” ka goditur me grushta një punonjës të Policisë Rrugore.
Sipas policisë është ndaluar Emiliano Mrishaj, banues në Shkodër.
Arrestimi i këtij shtetasi u bë pasi, ka goditur me grushta, për shkak të detyrës, shtetasin G. B., 35 vjeç, banues në Tiranë, me detyrë Specialist I menaxhimit të trafikut urbanë pranë Komisariatit Rajonal të Policisë Rrugore Tiranë
Materialet proçeduriale ju kaluan Prokurorisë së Rrethit Gjyqësor Tiranë, për veprën penale të “Goditje për shkak të detyrës” parashikuar nga neni 236 i Kodit Penal.
Gazeta Dita shkruan se Emiliano Mrishaj është nipi i Tom Doshit.
Ai ka qenë brenda në makinë së bashku me djalin e deputetit në momentin kur një efektiv i policisë rrugore e ka ndaluar makinën e tij.
Ky veprim ka bërë që i riu, 27 vjeç të zbresë nga makina dhe ta qëllojë me grusht policin.
Mësohet se Polici e kishte ndalur të riun, por ky i fundit nuk e ka pritur mirë ndalesën dhe ka dalë nga mjeti dhe ka sulmuar policin rrugor.
