Ish-kryeministri Sali Berisha ka treguar sot para gazetarëve ecurinë e procesit gjyqësor në Francë kundër Sekretarit amerikan të Shtetit, Antony Blinken. Berisha tha se ka disa faktorë pro dhe kundër tij në këtë proces gjyqësor, duke theksuar se e penalizon fakti që nuk është shtetas francez.
“Gjyqin në francë po e ndjek avokati im të cilit i kam dhënë besimin e plotë. Gjyqi në Francë ka faktorë pro dhe kundër meje. Nuk jemi shtetas të hapësirës së Bashkimit Evropian dhe kjo nuk është në favor. Sekretari i Shtetit është personalitet me imunitet. Në favorin tim është se në një parim ndërkombëtar “shpikja dënohet aty ku del”.
Edhe në Shqipëri dënohet. Njerëzit e dëgjojnë dhe ti je viktimë e shpikjes. Vërtet Sekretari i Shtetit është njeri me imunitet shpikja në themel nuk hyn në veprimtarinë zyrtare. Ka një ligj që deputeti është përgjegjës për shpifjen që bën në parlament.”,-tha Berisha
