Deputetja Blerina Gjylameti, anëtare e Komisionit të Ekonomisë, deklaroi në “ABC Live” me se ende nuk është marrë asnjë lloj vendimi në lidhje me taksën e qumështit pluhur.
“Nuk kemi marrë asnjë lloj vendimi për qumështin pluhur në komisionin e ekonomisë. Ne jemi ende në fazën e konsultimit. Nuk është hequr taksa për qumështin pluhur. Përfaqësuesit e industrisë kanë ardhur dhe kanë dhënë dakordësinë e tyre. Kërkohet monitorim i tregut. Në komisionin e ekonomisë ka pasur debate dhe ka pasur edhe ndryshime të paketave fiskale. Në këto dy vite ekonomia shqiptare është goditur mjaftueshëm”, deklaroi Gjylameti.
Gjylameti shtoi se me buxhetin e vitit 2022 synohet mbështetje e shtuar për shtresat në nevojë. Ajo tha se do të tentohet që disa kategori të nxirren nga skema e ndihmës ekonomike për t’i “rehabilituar” në skemën e punësimit për të gjeneruar kështu sipas saj, në shumë të ardhura për të përballuar nevojat reale.
