Ish-ministri i Punës, Spiro Ksera i akzuzuar për veprën penale të “vjedhjes duke shpërdoruar detyrën” do të gjykohet me procedurën e gjykimit të shkurtuar. Kjo u vendos sot nga gjykata e Tiranës pas kërkesës së avokatit të ish ministrit.
Së bashku me të në gjykim të shkurtuar do të gjykohen edhe katër ish vartës të akuzuar për të njejtën akuzë. Në kërkësën e bërë në seancën e kësaj të hëne, avokatët mbrojtës të të pandehurve kanë pranuar aktet e prokurorisë, por jo akuzat.
Përjashtim nga kjo kërkesë bëri vetëm i pandehuri Kleves Bitro, dhe i pandehuri tjetër Dritan Fejzullai të cilët do të vazhdojnë gjykimin normal, por me një tjetër trup gjykues. Ish-ministri Ksera dhe 6 vartës të tij akuzohen se duke shpërdoruar detyrën dhe falsifikuar dokumentet, kanë vjedhur një shumë prej 30 milionë lekësh, fond i cili ishte deklaruar se ishte përdorur për një sërë aktivitetesh sociale, për shtresa të ndryshme në nevojë.
