Avokati Albana Qafa: Nuk ka prova që vërtetojnë akuzën ndaj klientëve të mi
Shtyhet seanca për çështjen Shullazi. Gjykata kë vendosur të shtyjë për nesër në ora 8:30 të mëngjesit, vendimin për masën e arrestit ndaj Emiljano Shullazin. Masa e sigurisë për të arrestuarit e tjerë , Armando Dani dhe Blerim Shullazi, do të jetë përkatësisht në ora 9:30 dhe 1-:30. Seanca është shtyrë për shkak se Prokurorja që do mbronte akuzën tek Emiljano Shullazi është dhe prokurore tek gjyqi i Xhihadistëve, i cili po zhvillohet sot tek Krimete rënda. prokurore në këto dy çeshtje është Elisabeta Ymeri.
Të arrestuarit akuzohen për veprën penale “shkatërrim të pronës me eksploziv”, ndaj shtetasit Jani Zaka (Arjan Zika), me qëllim kanosjen e tij për fitimin e pasurisë në mënyrë të padrejtë.
Avokati i Emiljano Shullazit thotë se nuk ka prova që implikojnë klientin e tij në akuzën me të cilën prokuroria kërkon burg për të. Alban Qafa thotë se nuk ka asnjë provë që vërteton akuzën e prokurorisë as për Emiljano Shullazin dhe as për Armando Danin dhe Blerim Shullazin.
Ai tha se Emiljano Shullazi nuk i njeh personat që i akuzojnë për “shkatërrim të pronës me eksploziv” dhe gjobëvënie. Ata i mohojnë akuzat. Asnjëri prej të tre të arrestuarve nuk ka dhënë dëshminë pasi kjo duhet të ndodhë në prani të avokatit. Deri tani nuk ka shkuar asnjë prokuror për ti pyetur.
