Gjykata e Elbasanit ka vendosur të ekstradojë drejt vendit të tij bosin turk të kriptomonedhave, Faruk Ozer. Në momentin e dhënies së vendimit, Ozer dhe avokati i tij nuk ishin të pranishëm në seancën gjyqësore.
Ndërkohë vendimi u mor nga gjykatësi Elis Dine për të cilin më herët mbrojtja kushte kërkuar përjashtimin nga gjykimi.
Faruk Ozer ishte prej më shumë se një viti i shpallur në kërkim nga vendi i tij dhe u arrestua nga policia e Elbasanit. Prej prillit të vitit të kaluar Turqia kërkoi me insistim nga autoritet shqiptare arrestimin e 28-vjeçarit i cili në vendin e tij kishte ngritur një skemë mashtrimi e cila kapte vlerën rreth 2.7 miliardë dollarëve.
Më 2017, Faruk Ozer krijoi bursën Thodex ku tregtoheshin kriptomonedha. Në Thodex krijuan llogari të tyre rreth 400 mijë qytetarë kryesisht turq të cilët kishin investuar rreth 2.7 miliardë dollarë. Mbi 28-vjeçarin nga drejtësia turke rëndojnë akuzat e “Ngritjes së organizatave qëllim kryerjen e krimeve” dhe “Mashtrim në rrethana rënduese”.
