Gjykata e Shkodrës ka dhënë masën për Behar Bajrin, i cili në bashkëpunim me anëtarët e tjerë të këtij grupi kriminal “Bajri” janë autorë të një sërë veprash penale.
Mësohet se mbi të është vendosur masa “Detyrim Paraqitje”, duke u lënë i lirë.
Më herët SPAK shpalli moskompetencën për dosjen e grupit “Bajri” duke bërë që të bien akuzat për grup i strukturuar kriminal.
Çështja erdhi në Gjykatën e Shkodrës, ndërsa para një muaji prokurori kërkoi pushimin për dy akuza të vrasjeve dhe gjykata e pranoi.
Kujtojmë se 39-vjeçari ishte shpallur në kërkim ndërkombëtar nga ZQK Interpol Tirana, pasi Gjykata e Shkallës së Parë për Krimet e Rënda në vitin 2018, ka caktuar masën e sigurisë ”Arrest me burg”, për veprat penale “Vrasja me dashje në bashkëpunim”, “Trafikimi i armëve dhe municionit”, “Organizimi i llotarive të palejuara”, “Shtrëngimi me anë të kanosjes ose dhunës për dhënie e pasurisë”, kryer në bashkëpunim, në kuadër të grupit kriminal, “Kryerja e veprave penale nga organizata kriminale dhe grup i strukturuar kriminal”.
Grupi “Bajri’’ njihet si njëri prej strukturave më të rrezikshme kriminale në Shkodër dhe jashtë saj. Konfliktet me grupin tjetër “Lici” kanë prodhuar një numër të madh viktimash.
