Gjykata e Krimeve të Rënda do të japë vendimin final për Saimir Tahiri sot në orën 16:00, ndërsa ish-ministri ka dalë i qeshur nga seanca gjyqësore.
“Unë jam këtu si i pandehur vetëm për shitjen e një makine, ndërkohë ka njerëz që nuk mbajnë përgjegjësi as për vëllezërit trafikantë. Drejtësia është në dorën tuaj. Nëse ju gjeni një provë për mua unë iki vetë në burg. Kjo çështje është vetë jeta ime”, mësohet të ketë thënë Tahiri në sallë.
Tahiri akuzohet për tre vepra të rënda penale “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes “Habilaj”.
