Gjykata e Tiranës ka vendosur që të lirojë ish-deputetin Klevis Balliu, pasi u ndalua nga policia 3 ditë më parë.
Vendimi është dhënë pak më parë nga gjykata e cila ka vendosur që Balliu edhe 3 personat e tjerë, të kenë masën e sigurisë detyrim paraqitje.
Gajtë seancës gjyqsore në Gjykatën e Tiranës, Balliu është shprehur se po kërkojnë që të burgosin atë dhe të tjerët që të mos jenë pjesë e protestës mbarëkombëtare të shtunës më 11 maj.
“Janë shtëpitë që po rrezikohen nga projekti korruptiv i kësaj qeverie. Unë i kam mbështetur, i mbështes dhe do ti mbështes. Partia Demokratike dhe gjithë përfaqësuesit e saj do ti mbështetsim. Ta harrojnë se me shoqërimin e ndonjërit do të na frikësojnë. Nëse sot protestojmë është edhe arsyeja se qeveria i ka bërë pis uniformat e Policisë së Shteti me kanabizimin e vendit. E kuptoj Prokurorinë që ka një vit e tetë muaj si e jashtëligjshme si dhe e kuptoj presionin dhe urdhërat që ka marrë por nuk pranoj asnjë akuzë që mund të më drejtojnë. Fakti se arrestohet njëri prej tyre dhe dënohet, ai pretendon se do trembi Partinë Demokratike me këtë, atëherë është më budalla seç e kemi menduar ne. Tërësinë e saj gjithshka ka ndodhur aty, dua ta tregoj dhe dua të heq xhaketën edhe këmishën të shihni krahun e nxirë si pasojë e përplasjes me policinë. Kam ndenjur për katër orë e gjysëm pa marrë asnjë ndihmë mjekësore sepse policia nuk i lejonte të më shërbenin pasi isha dëmtuar sepse nuk shihja për shkak të gazit? Ata kërkojnë që ne të rrimë brenda dhe mos jemi më 11 maj në protestë”, u shpreh Balliu.
