Gjykata e Apelit të Katanias liron në arrest shtëpie Moisi Habilajn.
Moisi Habilaj ka lënë sot qelinë e burgut në Itali. Gjykata italiane pranoi kërkesën për modifikimin e masës së paraburgimit në arrest shtëpie, të paraqitur nga avokatët Maria Caltabiano dhe Francesco Strano Tagliareni.
Sipas mediave italiane, ai do të qëndrojë tek një i afërmi i tij në Siçili.
Kujtojmë se emri i tij është i lidhur me Saimir Tahirin, ish- ministrin e brendshëm, jo vetëm si i afërm por dhe i dyshuar si bashkëpuntorë bashkë në trafik droge.
